Uppgreiðsluafsláttur

Einstaklingur sem greiðir upp ógjaldfallið námslánaskuldabréf á rétt á uppgreiðsluafslætti sem nemur 5-15% af ógjaldföllnum eftirstöðvum hins uppgreidda skuldabréfs fyrir uppgreiðslu.

Greiðandi á ekki rétt á uppgreiðsluafslætti vegna uppgreiðslu námsláns nema endurgreiðsla á einu eða fleiri námslána hans sé hafin.

Upphæð uppgreiðsluafsláttar er reiknuð út frá samanlagðri heildarskuld allra lána greiðanda sem komin eru í innheimtu.

Ef uppgreiðsla fer fram 30 dögum eða skemur fyrir gjalddaga er ekki veittur uppgreiðsluafsláttur af þeirri fjárhæð sem nemur fjárhæð næsta gjalddaga. 

Sækja þarf um uppgreiðsluafslátt inn á Mitt Lán og dregst hann frá heildarskuld lánsins þegar greitt er.

Í þeim tilfellum sem annar en skuldari greiðir upp lánið skal sækja um uppgreiðsluafsláttinn innan 3ja mánaða frá greiðslu og senda beiðni þar um á netfangið menntasjodur@menntasjodur.is.

Uppgreiðsluafsláttur skal endurgreiddur til þess aðila sem greiddi upp námslánið.

Aukainnborgun

Heimilt er að greiða inn á eldri lán hjá Menntasjóðnum að vild. Ekkert gjald er innheimt vegna innborgana á lán.

Einstaklingur sem greiðir aukaafborgun inn á námslánaskuldabréf samkvæmt eldri lögum (V-, S-, R- og G-lán) á rétt á uppgreiðsluafslætti sem nemur 5-15% af ógjaldföllnum eftirstöðvum hins uppgreidda skuldabréfs fyrir uppgreiðslu. 

Upphæð afsláttar við aukainnborgun er reiknuð út frá samanlagðri heildarskuld allra lána greiðanda sem komin eru í innheimtu.

Greiðandi á ekki rétt á afslætti vegna innágreiðslu á námslán nema endurgreiðsla á einu eða fleiri námslána hans sé hafin.

Hægt er að greiða aukainnborgun í gegnum Mitt Lán