Close contact us

Hafa samband

Nafn
Kennitala
Netfang
Skilaboð

Mikilvægar dagsetningar

15 okt
2020
Umsóknarfrestur til að sækja um frest á lokun skuldabréfs er til og með 15. október 2020
Sækja um námslán
5 jan
2021
Umsóknarfrestur til að sækja um námslán fyrir vorönn 2021 er til og með 5. janúar 2021
Sækja um námslán
15 jan
2021
Síðasti dagur útborgunar vegna námsársins 2019-2020
Sækja um námslán

Frá umsókn til útborgunar

Icon

Leiguhúsnæði

Námsmenn í leiguhúsnæði þurfa að sanna eðlilegar leigugreiðslur með því að senda afrit af þinglýstum leigusamningi.
Icon

Einstæðir foreldrar - staðfesting á forræði barns

Einstæðir foreldrar sem eru að sækja um í fyrsta skipti þurfa að senda staðfestingu á forræði barns. Sjóðurinn sendir út beiðni.
Icon

Skattframtal

Allir lánþegar verða að staðfesta endanlegar tekjur með skattframtali. Námsmenn á Norðurlöndunum verða til viðbótar íslensku skattframtali að senda afrit af álagningarseðlum eða skattframtali í námslandinu.
Icon

Staðfesting á skólavist

Staðfestinguna verða þeir námsmenn á Íslandi að senda sem borga há skólagjöld og einnig námsmenn erlendis sem eru að hefja nýtt nám. Umsóknin tekur ekki formlega gildi fyrr en slík staðfesting hefur borist sjóðnum. Menntasjóðurinn sendir út beiðni.
Icon

Útreikningur á láni

Menntasjóðinn birtir lánsáætlun á Mitt Lán og staðfestir þannig gildar umsóknir.
Icon

Enskumælandi lönd

Senda þarf Menntasjóðnum upplýsingar um skólagjöld og styrk/styrkleysi fyrir hverja önn eða allt námsárið. Menntasjóðurinn sendir námsmönnum eyðublöð sem skólinn þarf að fylla út.
Icon

Endanleg tekjuáætlun

Staðfesta verður tekjuáætlun í lok árs. Menntasjóðurinn sendir út beiðni.
Icon

Námsárangur

Námsárangur þarf að berast eftir hverja önn. Námsárangur frá skólum á Íslandi berst beint til Menntasjóðsins, en námsmenn erlendis verða að sjá um að senda sjálfir. Þeir sem ekki taka próf á miðjum vetri verða að senda staðfestingu á námsástundun.
Icon

Lágmarksárangur á önn

Lágmarksnámsárangur á önn er 22 ECTS einingar eða ígildi þeirra. Ef um fjórðungaskóla er að ræða er lágmarksárangur á fjórðungi 15 ECTS-einingar eða ígildi þeirra.

Tegundir lána

Framfærslulán

Framfærslulán fela í sér lán til framfærslu námsmanns miðað við fjölskylduaðstæður eins og þær eru skráðar í þjóðskrá. Ef viðkomandi býr í leigu- eða eigin húsnæði bætist einnig við lán vegna húsnæðiskostnaðar, sjá greinar 4.1 og 4.2 í úthlutunarreglum sjóðsins.

Skólagjaldalán

Hægt er að sækja um lán fyrir skólagjöldum. Aðeins er veitt skólagjaldalán vegna skólagjalda umfram 75.000 kr. á hverju námsári.

Meðlagslán

Námsmenn sem greiða meðlag geta sótt um meðlagslán meðan á námi stendur.

Makalán

Hægt er að sækja um aukalán vegna maka ef maki námsmanns er óvinnufær meðan á námi stendur. Slíkt getur til dæmis átt við ef maki fær ekki atvinnuleyfi meðan námsmaður er í námi erlendis eða ef maki námsmanns er óvinnufær vegna veikinda, örorku eða umönnunar langveikra barna.

Renna til vinstriRennat til hægri

Viðhengi og fylgiskjöl

Skattframtalsupplýsingar

Menntasjóðurinn sækir skattframtalsupplýsingar beint frá Ríkisskattstjóra þegar kemur að afgreiðslu vorlána.

Staðfesting á endanlegum tekjum

Allir umsækjendur þurfa að staðfesta endanlegar tekjur á árinu. Menntasjóðurinn sendir út beiðni í nóvember.

Staðfesting á forræði barns - einstæðir foreldrar

Einstæðir foreldrar sem eru að sækja um lán í fyrsta skipti þurfa að senda staðfestingu á forræði barns. Sjóðurinn sendir út beiðni.

Staðfesting á leigugreiðslum

Húsnæði á námstíma

Námsmenn í leiguhúsnæði þurfa að sanna eðlilegar leigugreiðslur með því að senda afrit af þinglýstum leigusamningi.

Námsmenn í eigin húsnæði geta átt von á að verða beðnir um að skila staðfestingu frá Þjóðskrá Íslands/fasteignamati um húsnæðiseign.

Sækja um námslán