Close contact us

Hafa samband

Nafn
Kennitala
Netfang
Skilaboð

Of hátt lán greitt út

Ef námsmaður hefur fengið greitt lán sem hann reyndist ekki eiga rétt á þarf hann að endurgreiða það. Ástæður þess að lán er ofgreitt geta verið með ýmsu móti en eftirfarandi eru dæmi um algengar ástæður:

Námsmaður gefur upp tekjur í tekjuáætlun sem reynast svo lægri en tekjur hans samkvæmt skattframtali.
Námsmaður gefur upp í umsókn sinni að hann sé í leigu- eða eigið húsnæði en reynist síðan vera í leigulausu húsnæði (foreldrahúsnæði).

Eigi lánþegi rétt til námslána á næsta misseri á eftir því misseri sem ofgreiðslan tilheyrði, er heimilt að draga fjárhæð hins ofgreidda láns frá fjárhæð væntanlegs láns og skuldajafna þannig ofgreiðsluna.

Sé ekki mögulegt að skuldajafna á þennan hátt hefur námsmaðurinn val um að staðgreiða hið ofgreidda lán eða samþykkja sérstakt endurgreiðsluskuldabréf.

Frekari námsaðstoð er stöðvuð þar til hið ofgreidda lán hefur verið gert upp eða sérstakt endurgreiðsluskuldabréf samþykkt fyrir skuldinni.