Námsmaður hefur möguleika á að sækja um aukalán sem samsvarar framfærslu fyrir allt að 7 ECTS-einingum að teknu tilliti til fjölskyldustærðar ef ófyrirséð röskun verður á stöðu og högum viðkomandi á námstíma og úthlutunarreglurnar ná ekki til hennar að öðru leyti. Þetta getur átt við t.d. þegar námsmanni verður vegna alvarlegra veikinda, örorku, framfærslu barna eða maka eða af öðrum ástæðum illmögulegt að stunda nám sitt að fullnýttri lánsheimild. Einnig er heimilt samkvæmt þessari grein að veita sérstakt lán vegna aukaferðar ef námsmaður þarf skyndilega að fara heim vegna veikinda eða andláts í nánustu fjölskyldu.