Námsmenn erlendis athugið; þegar send eru vottorð frá skólum um námsárangur þurfa að koma fram eftirfarandi upplýsingar:

• Heiti skólans (á bréfsefni).
  
  
• Fullt nafn námsmanns.
  
  
• Kennitala námsmanns eða fæðingardagur.
  
  
• Tímabilið sem vottorðið gildir fyrir (misseri/fjórðungur).
  
  
• Loknar einingar á tímabilinu.
  
  
• Ef námsárangur er ekki metinn í einingum þá þarf að koma fram í vottorðinu greinargott mat á námsárangri/ástundun á tímabilinu.
  
  
• Undirskrift starfsmanns skóla þarf að vera á vottorðinu og/eða stimpill skóla.

Heimilt er að veita lán að fengnu ástundunarvottorði ef námsmaður tekur einungis próf einu sinni á ári eða í lok skólaárs. Lán er þá veitt í samræmi við árangur um námsframvindu sem metin er í vottorðinu. Heimilt er að veita lán út á 30 ECTS-einingar ef skýrt kemur fram í vottorði að viðkomandi hafi stundað fullt nám. Þegar niðurstaða námsársins liggur fyrir er námsframvindan endurmetin. Komi þá í ljós að námsframvinda er ekki fullnægjandi á námsárinu er veitt námsaðstoð endurkrafin sem því nemur. Sjá grein 3.4.2 í úthlutunarreglum Menntasjóðs námsmanna.

Sé námsmaður að ljúka námi er ekki heimilt að afgreiða lán að fullu á námsárinu fyrr en staðfesting á námslokum liggur fyrir.