Close contact us

Hafa samband

Nafn
Kennitala
Netfang
Skilaboð

L-11/2019 - Synjun á framfærsluláni.

Bókun um frávísun máls.

Mál L-11/2019.

Ár 2019, miðvikudaginn 6. nóvember, er tekið fyrir mál nr. L-11/2019.

Kærandi sendi kæru til nefndarinnar í gegnum heimasíðu LÍN þann 7. september 2019 vegna ákvörðunar Lánasjóðs íslenskra námsmanna um að synja henni um framfærslulán vegna MPM náms. Þann 24. september 2019 bárust athugasemdir stjórnar LÍN vegna kærunnar og kom þar fram að málið hafi ekki verið borið undir stjórn LÍN. Þann 25. september voru athugasemdir stjórnar LÍN sendar kæranda og henni leiðbeint um að kæru hennar yrði vísað frá þar sem ágreiningsefnið hafi ekki verið borið undir stjórn LÍN. Var kæranda jafnframt leiðbeint um meðferð kærumála. 

Samkvæmt 2. mgr. 5.a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur málskotsnefndina vald til að fjalla um það og er kærunni vísað frá nefndinni. 

Til baka