Close contact us

Hafa samband

Nafn
Kennitala
Netfang
Skilaboð

L-13/2019 - Vegna ábyrgðar á námsláni.

Bókun um frávísun máls.

Mál L-13/2019.

Ár 2019, föstudaginn 20. desember, er tekið fyrir mál nr. L-13/2019.

Kærandi sendi kæru til nefndarinnar í gegnum heimasíðu LÍN þann 19. október 2019 vegna ágreinings við LÍN um ábyrgð á námsláni. Þann 18. nóvember 2019 bárust athugasemdir stjórnar LÍN vegna kærunnar og kom þar fram að málið hafi ekki verið borið undir stjórn LÍN. Þann 26. nóvember voru athugasemdir stjórnar LÍN sendar kæranda og hún upplýst um að kæru hennar yrði vísað frá þar sem ágreiningsefnið hafi ekki verið borið undir stjórn LÍN. Áður hafði kæranda verið leiðbeint um meðferð kærumála vegna ákvarðana stjórnar LÍN. 

Samkvæmt 2. mgr. 5.a. gr. laga nr. 21/1992 um Lánasjóð íslenskra námsmanna er valdsvið málskotsnefndar takmarkað við að skera úr um hvort úrskurðir stjórnar Lánasjóðs íslenskra námsmanna séu í samræmi við ákvæði laga og reglugerða. Þar sem umrætt álitamál hefur ekki verið borið undir stjórn sjóðsins brestur málskotsnefndina vald til að fjalla um það og er kærunni vísað frá nefndinni. 

 

Til baka